قال الرئيس عبدالفتاح السيسي، عن مشروع البلازما، «وأنا وزير للدفاع فكرت في مشروع البلازما والدولة المصرية فكرت فيها ومنجحتش، لكن تم وضع الهدف والإصرار عليه، الموضوع ده كان من ساعة 2012 وأنا بحاول المشروع ده يطلع النور، في الوقت ده كل الشركات العالمية اللى لها اسم ممكن تستخدم لم تتعاون معنا لغاية لما واحنا مٌصرين نجيب ونتكلم وندي كل حاجة بس نعمل المشروع على أسس.

أضاف الرئيس السيسي، خلال جلسة «العدالة الاجتماعية والصحة»، ضمن فعاليات اليوم الثالث والأخير لمؤتمر «حكاية وطن»، «وتبقا شراكة تحمل اسم الشركة العالمية وتبقا معانا في كل الإجراءات علشان المصداقية الكاملة للاسم اللى هنتحرك فيه».

وأعلن الرئيس السيسي عن موعد افتتاح المشروع قائلا: «خلال عام 2026 سيتم افتتاح مشروع إنتاج البلازما».

قال الرئيس عبدالفتاح السيسي، إنه حتى عام 2019 لم نكن نستطيع عمل مشروع تجميع البلازما، معقبا بالقول: «لغاية 2019 ما أمكنش نعمل المشروع، لكن إحنا مصرين إن نعمل كده لغاية لما جت كورونا فعملت تغيير في الفكر العالمي للمضوع ده فكانت الفرصة متاحة».

وأشار إلى أنه «لما تلاقي تغيرات عالمية اوعى يفوتك تستفيد منها في الوقت ده لقينا ان الناس بتفكر في تشكيل خريطة مختلفة واستعدوا يشتغلوا معانا وتم عمل اتفاق وكنا عاوزين المصنع خلال 2026 يكون شغال هنا في بلدنا»، مؤكدا أن «الموضوع ده اعتبرته جزءا من تصحيح العادات المصريين لو قدرنا نخليه مشروع قومي لإنتاج البلازما لأن المعايير المستخدمة في قبول العينات صارمة جدا، لو عملت مركز في اى جامعة يبقا كل الشباب والشابات اللى لو حبوا يتبرعوا في هذا المركز لازم يحافظوا على المسار الصحى والعادات الصحية هتسيب أى خلل مش مقبول».

وتابع الرئيس السيسي، قائلا «دخل المتبرع كتقدير وشكر من المراكز لو مرة في الأسبوع كام في الشهر؟ طيب لو مرتين ؟ رقم معتبر ممكن يتقدم في مصر ملايين والحلم كان ملايين يبقا انا قدرت اجيب دخل من فكرة، وتبقا البلازما موجودة في مصر ويبقى مسار صحى محترم هي دي قصة البلازما، عملنا 8 مراكز ومستهدف 20 و 50 و 100 في المرحلة دي».

وأضاف الرئيس السيسي، قائلا «طيب هتشوفوا معايير للدول المتقدمة ازاى بتتعامل مع الشأن الصحى بشكل احنا هنتعلم منه الكتير لان الكلام ده بيتم اعتماده من الشركة الأسبانية وبتشرف عليه بشكل صارم جدا واحنا بعادتنا مبنهتمش بالكلام ده».

وانطلقت فعاليات اليوم الثالث والأخير من مؤتمر «حكاية وطن.. بين الرؤية والإنجاز»، المنعقد بالعاصمة الإدارية الجديدة بحضور الرئيس عبد الفتاح السيسى.

وكان الرئيس عبد الفتاح السيسي افتتح أمس السبت 30 سبتمبر 2023، مؤتمر «حكاية وطن»، والذي ينعقد داخل العاصمة الإدارية الجديدة، بمشاركة وزراء وسياسيين وشباب وإعلامين وممثلين عن جميع فئات المجتمع.

وشهد اليوم الأول جلسات مهمة تركز على محاور الاقتصاد، ويشارك فيها كبار الوزراء، حيث يحضر الدكتورة هالة السعيد وزيرة التخطيط والتنمية الاقتصادية، ودكتور محمد معيط وزير المالية، وأحمد سمير وزير التجارة والصناعة، ودكتورة رانيا المشاط وزيرة التعاون الدولي، وتتناول هذه الجلسات سياسات وبرامج الحكومة في دعم الاقتصاد المصري.

أما عن اليوم الثاني، فيشهد جلسات تركز على قطاعات الطاقة والبنية التحتية، ويشارك فيها دكتور محمد شاكر وزير الكهرباء والطاقة المتجددة، والمهندس طارق الملا وزير البترول والثروة المعدنية ويتم خلال هذه الجلسات مناقشة مشروعات قومية كبيرة وجهود تطوير البنية التحتية.

بينما يشهد اليوم الثالث والأخير جلسات تركز على مجالات السياسة الخارجية والأمن القومي، ويحضرها سامح شكري وزير الخارجية والمستشار عمر مروان وزير العدل، واللواء محمود توفيق وزير الداخلية، يتم خلال هذه الجلسات مناقشة قضايا الأمن القومي والعلاقات الدولية.

فيما يتعلق بالجلسات المخصصة للعدالة الاجتماعية والصحة تشهد حضور د خالد عبد الغفار وزير الصحة والسكان، ود نيفين القباج وزيرة التضامن الاجتماعي، وسيتم ختام الفعاليات بجلسة ختامية تجمع كبار المسؤولين لاستعراض نتائج المؤتمر والتوجهات المستقبلية للتنمية في مصر.