تحدث الرئيس عبد الفتاح السيسي، عن أهمية وتأثير مسلسل الاختيار3 ، قائلا: “شوفتوا قد إيه عمل درامي بألف كتاب.. وبألف ساعة.. حوار أنتو متعرفوش إنتوا عملتوا إيه.. تصدقوا بالله حتى البيان اللى اتكتب فى 2013.. كنا حريصين على عدم الصدام”.

وأضاف خلال كلمتة فى احتفال عيد الفطر المبارك مع أسر الشهداء، إنه كان حريص في بيان 3 يوليو على ألا يحدث صدام، متابعا: “ولا قولنا فيه عزل رئيس ولا جماعة إرهابية ولا أي حاجة”.

وتابع الرئيس السيسي: “كتير من الناس مكانوش مصدقين ان إنا مستعد لاجل خاطر الحقيقة والصدق إن متتشوهش القيمة الكبيرة اللى عملها المصريين في 2013، وحاولنا كتير أوي نحل المسألة دون مواجهة أو صدام لكن للاسف”.

وأكمل : “الادعاء والتشويه والشائعات لحد دلوقتى ومحدش عاوز يفكر اللى اتقال ده حقيقة ولا نص حقيقة”.

وواصل: “ربنا يكفينا أهل الشر وبقول للمصريين كل سنة وانتوا طيبين وخلوا بالكم من بلدكم والكلام (مسلسل الاختيار 3) ده مكنش ممكن حد في موضعي يتعمل وهو موجود لكن أنا قلت عشان كل كلمة وموقف ميبقاش فيه كدبة واحدة”.