انتشر فيديو على مواقع التواصل الاجتماعي، ظهر فيه شاب يهاجم فتاة أمام منزلها، مستخدما ميكروفون، ومدعيًا أنها كانت خطيبته وانفصلت عنه.
وجاء في الفيديو أن الشاب خرج من سيارة برفقة اصحابة، وتوقف أمام منزل الفتاة، وقال الشاب: "سماح بنت الحاج شهاب اللي ساكنة في الدور الرابع النهاردة كتب كتابها وكانت ماشية معايا، 4 سنين في الغردقة، وأنا بدفع مصاريف ولبس ودباديب، وقالتلي عاوزه عربية جبتهلها".
ووجه الشاب رسائل سباب لها ولأسرتها أثناء وجودهم في شرفة المنزل، مضيفًا" أنا مش هسيبك يا سماح، وانتي بتشتغليني، خليتني إريال يا جدعان".
وأضاف الشاب موجهًا حديثه للعريس، "أنت إريال، أنا جبتلها العربية وبعدها سابتني، أنا فشكلتلك الجوازة وأي حد هييجي يتجوزك هفضحك تاني".
